Ikastetxeko zuzendaritza, APYMA eta Iruñeko udalaren artean elkarlanean ari dira
Buztintxuriko eskola publikora doazen ikasleen mugikortasuna hobetzeko. Gaur egun eskolako
umeen %61 inguru oinez joaten da. Ehunekoa handitzea eta gure adingabeak eskolara
segurtasunez oinez joan ahal izatea nahi dugu. Hori dela eta, ekainean eskola-ibilbide seguruen
proiektu pilotu bat egingo da eta datorren urtean irailetik aurrera proiektu hobe batekin
hasiko gara ikasitakoak aplikatu ondoren.
Zer da eskola-ibilbide segurua?
Neska-mutilek eskolara elkarrekin ibiltzearen esperientzia berreskuratzeko asmoz sortu den
proposamena da, kalean zehar segurtasunez eta modu independentean mugituz eta espazio
publikoaz gozatuz. Hezkuntza komunitatea zein erakundeek parte hartzen dute eta guztion
lankidetzarako gaitasunean oinarritzen da.
Zeintzuk dira eskola bide baten helburuak?
- Seguruak
Ibilbide seguruen sare bat sortu eta bidaiatzeko ohiturak aldatu oinez, bizikletaz edo garraio
publikoak erabiliz. - Iraunkorra
Haurrak eskolara eramaten dituzten ibilgailu motordunen kopurua murriztea, gehiegizko isuri
kutsatzaileak eta zarata murriztea, ingurumena hobetuz, espazio publikoa berreskuratuz eta
haurren segurtasuna bideratuz. - Osasuntsua
Mugikortasun aktiboa, ibiltzea eta pedalei ematea sustatzea, eguneroko jarduera fisikoa eta
bizi-ohitura osasuntsuen garapena sustatuz, gizentasun gutxiagorekin eta osasun hobearekin. - Autonomiarekin
Haurrak animatu kalea berreskuratzen eta eskolara bakarrik edo lagunen konpainian joan
daitezen. Horrela, interakzioaren eta lankidetzaren bidez autoestimua, sozializazioa eta
ikaskuntza prozesua hobetuko dira.
Nolakoak izango dira CP Buztintxuriko eskola-ibilbideak?
Oraindik ez dakigu. Ideia bat dugu baina hezkuntza komunitate osoaren araberakoa izango da,
familiak barne. Beraz, behar zaitugu.
Hasiera batean 2 ibilbide martxan jartzea eta astean 1 edo 2 egunekin hastea da ideia. Ondo
egiteko, familien iritzia (inkesta bat jasoko duzue) eta familien inplikazioa ezagutu behar dugu
laguntza eman ahal izateko.
Hurrengo urratsak:
- Ikastetxeko familiei informazio posta eta inkesta abian jartzea: martxoak 24
- Familien inkesta betetzea: martxoaren 24tik apirilaren 5era
- Datuen azterketa eta eskariaren eta boluntariotzaren araberako bideak berrikustea
- Familiei aurkezpen bilera. Maiatzeko lehen astea (gutxi gorabehera)
- Boluntarioen antolaketa eta ibilbideak, estandarrak sortzea, etab.: maiatza
- Abian jartzea: ekainaren 1ean
